DESPEDIMOS A BRENDA

Hoxe acabou o seu  Practicum Brenda, que estivo con nós durante o mes de febreiro.

Agradecémosche a paciencia e o agarimo co que nos trataches e desexámosche moita sorte!

 

DESPEDIMOS A HELENA

Esta semana rematou o Practicum a mestra Helena. Durante este trimestre estivo na aula de 3 anos.

Queremos agradecerche a implicación, o bo facer, a paciencia, o cariño,  e o esforzo que demostraches cada día ao longo destas semanas e esperamos que teñas tan bo recordo de nós coma nós o temos de ti.

Desexámosche moita sorte!

 

DESPEDIDA DE NOELIA

O venres tamén foi un día de despedidas, xa que  despois de estar un mes na aula de 4 e 5 anos, Noelia rematou o Practicum. 

Foi un momento moi emotivo e tamén houbo algunha  sorpresa.

Moitas grazas por todo e desexámosche moita sorte!

 

DESPEDIDA DE REBECA

Durante este trimestre, a mestra Rebeca estivo facendo as prácticas no noso centro. Este mércores acabounas. Queremos agradecerlle unha vez máis todo o que nos axudou durante estes meses.

Sacamos esta foto de recordo con ela.

Moita sorte, Rebeca!
Botarémoste moito de menos!

DESPEDIDA DE ROCÍO!

Pequechiños!

Como xa vos escribín nesas notiñas que nuns aniños chegaredes a entender, dicía un proverbio hindú que "Cos meus mestres aprendín moito; cos meus compañeiros máis; cos meus alumnos aínda máis". Grazas por deixar que fose a vosa mestra nestes nove meses marabillosos, grazas por ensinarme tanto neste camiño que comecei a percorrer da vosa man. Grazas por eses "Rocíoooooo!" acompañados dalgún que outro piropo cos que me recibíades cada mañá, por eses achuchóns de koala, por todas as flores que me trouxéchedes, polos debuxos que me fixéchedes, por cada sorriso, por cada mirada de ilusión cada vez que facíades un novo descubrimento, polas vosas ganas de aprender, esas que cada día me daban forzas para ensinar. GRAZAS POR TODOS OS MOMENTOS, GRAZAS POR FACERME TAN FELIZ!

Nun par de meses non poderei cruzar a porta que me leve á vosa aula. A vós espéravos unha nova mestra, a min uns novos alumnos, pero tede por seguro que sempre estaredes moi presentes. Espero que cada un de vós garde un cachiño de min, como eu levo unha gran parte de todos vós.

Por suposto, non me podía esquecer dos outros pequechiños, cos que non compartín tantas horas, pero si moitos momentos. Ao final, isto é como unha gran familia onde todos nos queremos incondicionalmente. Tamén formades parte dos meus recordos, e no meu corazón tendes o voso sitio reservado para sempre.

Moitas grazas a ti, Mari, por axudarme tanto, ensinarme a ser un pouquiño mellor profe, e por TODO o demais.

Grazas tamén ás familias, pola vosa colaboración ao longo do curso, e por esas rosas que cada un deles me entregou.

Ata sempre Revoltiñ@s! Espero seguir cruzándome con cada un de vós, para ver cómo medrades e como pouco a pouco ides acadando os vosos soños, para estar orgullosa do lonxe que ides chegar.

Rocío

DESPEDIDA DE Mª CARMEN!

Queridos Revoltiñ@s:

Estou moi orgullosa de ter sido a vosa mestra. Moitas grazas por todos os agasallos, por ese vídeo sorpresa tan fermoso que fixéchedes, co que tanto me emocionei, e moitas grazas, sobre todo, por ensinarme tanto cada día. Sodes estupend@s! Grazas tamén ás familias e ás compañeiras, en especial a Rocío! E moita sorte aos graduad@s na nova etapa que comezades!
Espero que no voso corazón haxa un anaquiño para min; no meu hai un sitiño para cada un/unha de vós!

Unha aperta! Boas vacacións!

Mª Carmen

VISITA DE REBECA!

Aínda que a mestra Rebeca xa rematou as súas prácticas, esta mañá visitounos e veu cargada cunha cesta na que traía unha taza da Patrulla Canina e unhas bolsas con chuches que comeremos pouco a pouco durante estes días! Moitas grazas profe!

DESPEDIMOS A REBECA!

Esta mañá dixémoslle adeus á mestra Rebeca, e despedímola cunha gran festa sorpresa. Quedou abraiada cando entrou na aula de 3-4 anos e viu a gran mesa que preparamos e tamén unha saborosa tarta de chocolate!

Foron as encargadas do día, Eliana e Nerea, as que lles entregaron os nosos agasallos: unha orla, un marco, un CD con fotografías, unha axenda, uns bombóns e un libro de debuxos con bonitas dedicatorias escritas polos Revoltiñ@s. Encantáronlle!

E despois? Despois tocaba merendar! Aquí estamos todos!

Moitas grazas por todo o que fixeches durante estas semanas Rebeca! Volve de visita cando queiras! Os Revoltiñ@s botarémoste de menos!

DESPEDIMOS A IRENE

Durante estas semanas, a mestra Irene fixo o Practicum en Educación Infantil.

Aprendemos moito con ela: fixemos un proxecto sobre México, axudounos no día a día...

Hoxe fixémoslle unha festa de despedida.

Moitas grazas por axudarnos , por ensinarnos tanto, por coidarnos...

Moita sorte!!!

E esperamos verte pronto!!!

DESPEDIMOS A IRENE

Durante estas semanas estivo na clase de 3-4 anos a mestra Irene, facendo as prácticas. 

Este venres foi o último día, xa que ten que volver "ó seu cole".

Tíñanos reservadas moitas sorpresas: agasallounos cunha deliciosa merenda; un marco cunha foto do Entroido; unha caixa con dinosauros e uns lápices preciosos!!!

Nós tamén tivemos agasallos para ela: unhas flores de cartulina con mensaxes; unha libreta; un bolígrafo, unha postal... 

Queremos darche as grazas polo ben que te portaches con nós; pola túa paciencia e agarimo; por ensinarnos tantas cousas (sobre todo o proxecto tan bonito sobre os dinosauros); por axudarlle tanto ás mestras... Se de nós depende poñémosche un 10!!!

Esperamos verte pronto por aquí!!!

Saúdos moi especiais d@s Revoltiñ@s!!!

DESPEDIMOS Á MESTRA CRISTINA

Este venres despedímonos da mestra Cristina. Como se portou tan ben con nós quixemos facerlle uns agasallos: unha postal xigante na que lle puxemos mensaxes e unhas medallas (por ser  unha gran  mestra e moi paciente).

Esperamos que teñas moita sorte no teu novo destino e que te lembres de nós.

MOITAS GRAZAS POR TODO!!!

 

 

DESPEDIMOS A ROCÍO

Durante estas semanas, Rocío estivo facendo o Practicum con nós. O venres fixemos unha festa de despedida. Trouxonos gusanitos, magdalenas, unha tarta riquíiiiiisimaaa, refrescos...

Agasallámola cunha orla e un marco de fotos... E ela tamén tiña unhas fermosas sorpresas para nós.

Moitas grazas por todo, Rocío!!! Visítanos cando queiras!!!

 

ATA PRONTO, IRENE

Durante o mes de novembro, a mestra Irene estivo facendo as prácticas nas aulas de Educación Infantil.

O venres foi o día da despedida e ela tíñanos preparadas varias sorpresas: un precioso libro no que resume o que fixemos durante todo o mes de novembro, unhas riquísimas figuras de chocolate e bombóns!!!

Nós tamén lle tiñamos algún agasallo que lle foi entregado polas encargadas do día: un marco cunha foto, unha orla asinada por cada Revoltiñ@ e uns bombóns!!!

Despedímonos cun gran abrazo en grupo.

Alegrámonos moito de que pasases con nós este mes e desexámosche toda a sorte do mundo!!!

Visítanos cando queiras!!!

 

ATA PRONTO, ROCÍO

O pasado mércores Rocío acabou as súas prácticas no cole.

Preparounos un xogo moi divertido no que tivemos que atopar pistas por equipos para atopar un "tesouro":un precioso marco de fotos, un libro e un globo. Gustáronnos moito e pasámolo moi ben buscando as pistas.

Para rematar a tarde comemos unha saborosa merenda e Rocío tivo que atopar o seu agasallo coas pistas que nós lle demos.

@s Revoltiñ@s agradecémosche o ben que te portaches connosco, desexámosche moita sorte e esperamos verte pronto.

DESPEDIMOS A LAURA

O pasado venres, 25 de marzo, despedimos á mestra Laura, que acabou o período de prácticas no centro. Moitas grazas pola túa axuda, Laura.Desexámosche moita sorte!

DESPEDIMOS Á MESTRA VIVIANA

O martes, 22 de xuño, é o último día de cole e despedímonos da mestra Viviana.
Agradecémosllle o ben que se portou con nós e desexámoslle MOITA SORTE!
Esperamos verte pronto.

DESPEDIMOS Á MESTRA NURIA

O día 28 de maio despedimos á mestra Nuria. Tod@s nos puxemos un pouco tristes ó despedila, pero tamén quedamos content@s porque sabemos que necesita coidarse para que Xoel estea ben. Agradecémoslle todo o que nos ensinou durante este curso e tamén os agasallos que nos dou.
Esperamos que te acordes de nós e desexámosche o mellor: BICOS, MESTRA.