VISITAMOS A CASA DOS PEIXES

Este martes fomos ata A Coruña, onde visitamos a Casa dos Peixes. 

Explicáronnos que alí viven algúns tipos de animais mariños:  estrelas e cabaliños de mar, morenas, medusas... Os que máis nos chamaron a atención foron o tiburón e as focas, ás que puidemos ver cando lles daban de comer. 

Observamos tamén que había algúns ósos de balea e ata unha silueta deste animal, que nos recordou á balea de Valarés. 
Chamáronnos a atención unha serie de figuras que estaban colgadas do teito e tamén na parede. Contáronnos que son figuras feitas con lixo (tapóns, cordas...) que se atopa nas praias, co cal entendemos o importante que é coidar o noso medio.

Tamén nos fixamos que cerca da Casa dos Peixes está a torre de Hércules.

Foi unha visita moi divertida!

UNHA BALEA EN VALARÉS!

No pasado mes de xaneiro apareceu en Valarés unha balea varada. Os revoltiñ@s coñececíamos esta noticia e mesmo nos achegáramos ata o lugar do suceso! Contámolo no cole e trouxemos noticias e imaxes da balea. Moitas gracias ás familias por colaborar nesta reportaxe! 

A través das noticias que trouxemos puidemos saber que a balea medía cerca duns 20m e queríamos saber canto era iso... Como é moi difícil imaxinar canto de largo son eses metros fomos unindo anacos de lá de 1m cada un! Case nos fai falta todo o corredor!

Tiñamos moita curiosidade por este animal e un día chegou ó cole un estraño elemento... Non sabíamos moi ben o que era así que fomos pasándoo de uns a outros. Algúns/as pensaban que era un óso dun dinosauro,  outros/as que era un dente de balea, un motor... Finalmente descubrimos que era un óso da columna vertebral dunha balea!

NOTAS DE PAZ

No día de hoxe xuntámonos cos demais nenos e nenas do CPI para construir un mural de paz. Cada un/unha levaba unha nota musical con palabras relacionadas coa paz (en relación ao Proxecto Documental Integrado do centro), previamente coloreada e picada. 

Un representante de cada aula líu un tratado de paz que se fixo por clase. 

ANIVERSARIOS DE SETEMBRO

A semana pasada celebramos os aniversarios do mes de setembro. 

Os homenaxeados foron: Aroa e Lara (3 anos); Erika (4 anos); Kevin, Felipe, Nicolás e Sofía (5 anos).

Fixemos coroas, comemos uns saborosos biscoitos que nos trouxeron as nosas familias, cantamos... Pasámolo moi ben!

PARABÉNS PARA OS/AS HOMENAXEADOS/AS!

E moitas grazas ás familias pola vosa colaboración!

Se pinchades no seguinte enlace escoitaredes unha canción.

CUMPLEAÑOS FELIZ 

SEMANA CULTURAL

O mércores tamén tivemos un taller de barro. Moito nos gustou manipular o barro e facer figuras con el. 

Chegamos ás 28000 visitas. Moitísimas grazas por seguirnos!

NOTA INFORMATIVA: FESTIVAL DE NADAL

ENLACES SOBRE O SAMAÍN

Deixámosvos estes enlaces con cancións e xogos didácticos relacionados co Samaín. Non tedes máis  ca pinchar co rato no enlace.

Esperamos que vos gusten!

 

CANCIÓN SAMAÍN - MAMÁ CABRA

CANCIÓN - LOS ESQUELETOS 

 COLOREA DEBUXOS DE SAMAÍN

 

CREA UN MONSTRO

 CREA A TÚA CABAZA

PREPARA O NENO PARA O SAMAÍN

BO SAMAÍN

Aquí estamos, "posando" diante da exposición de cabazas, caixas terroríficas e sustos monstruosos. 

BO SAMAÍN!

DE PASEO POLO COLEXIO

Hoxe fomos ver as portas, cabazas e caixas  que fixeron os demais nen@s do colexio.

Estivemos moi atent@s e gustáronnos moito todas.

Como nos portamos moi ben e tamén en compensación ao esforzo desta semana, @s mestr@s déronnos un pequeno e doce premio...

 

 

CHEGOU O SAMAÍN AO CORREDOR DE EDUCACIÓN INFANTIL

Estes días  estivemos decorando o noso corredor con motivos de medo:  as portas das aulas convertéronse en monstros; fixemos  "sustos monstruosos"; elaboramos unha exposición de lecturas monstruosas (coa axuda da mestra Ana) e puxemos a exposición coas fantásticas e creativas cabazas e caixas terroríficas  que fixemos coas nosas familias.

MOITÍSIMAS GRAZAS POLA VOSA COLABORACIÓN! 

Podedes ver o resultado na seguinte presentación.

RECOLLEMOS FOLLAS

@s Revoltiñ@s aproveitamos que esta semana fixo bo tempo e saímos ao xardín do cole para recoller follas coas que despois fixemos algunhas actividades.

Que ben o pasamos!!!

 

ANIVERSARIOS DE OUTUBRO

Hoxe celebramos os aniversarios do mes de outubro. 

Merendamos uns saborosos biscoitos e zumes que trouxeron as familias; decoramos  coroas para @s homenaxead@s; cantamos...

E o xoves espéralles aínda unha pequena sorpresa...

Parabéns para Brais, Eliana, Pablo e Ane!!!  

OUTONO

Estivemos decorando as aulas e o  corredor de educación infantil  con motivos do outono. Coloreamos unha árbore enorme, puxémoslle  castañas e ourizos, pingas de auga... Tamén coloreamos follas e mandalas.

Gústavos como quedou?