BICOS DE INUIT!

Esta mesma mañá os Revoltiñ@s démoslle a despedida final aos Inuits cun bico moi especial! Moi pronto levaremos ás nosas casas unha pequena sorpresa que estamos a piques de rematar... 

ADEUS INUITS!

Esta semana dicimos adeus aos inuits, recordando todo o aprendido durante o mes de xaneiro. Moitas grazas a tódalas familias que aportáchedes estes materiais tan interesantes!

Mirade que ben quedou a exposición de todos estes elementos!

Que tal combinan co particular Polo Norte que creamos á entrada das nosas aulas? Con iglú incluído!

Iso si, o inverno seguirá nas nosas aulas unhas semaniñas máis, e serán as nosas fiestras as encargadas de recordarnos en qué estación do ano nos atopamos!

XOGAMOS A PENSAR!

Como sabedes, durante estas primeiras semanas de trimestre estivemos aprendendo moito sobre os Inuits. O pintor francés Henri Matisse pintou unha obra que titulou "O Esquimó", e nós decidimos traballar sobre ela...

Os Revoltiñ@s iniciámonos na "Filosofía para nenos" a partir de distintas actividades que nos fan pensar, razoar, desenvolver a creatividade e a imaxinación e dialogar cos compañeiros.

Nesta ocasión, presentámoslle ao alumnado o cadro, completamente cuberto por unha serie de post-it. Conforme pasaban os días, o encargado correspondente decidía os post-it que quería sacar, para así pouco a pouco ir descubrindo a imaxe que se ocultaba tras eles. Cada neno debía observala e cada día expresarlle aos demais qué era o que el ou ela vía...

Queredes saber as respostas? Aquí as tendes:

- Adrián: Un galo, un trineo, dous cactus e un trineo...
- Amina: Un galo...
- Ane: Un oso polar, un esquimó, unha balea, un esquimó, unha bóla de xeo...
- Antón: Unha galiña, un trineo, unha pranta...
- Dylan: Unha tartaruga, auroras boreais, unha balea, unha balea, unha foca...
- Elaisa: Unha galiña, un trineo...
- Eliana: Un galo, unha balea, unha balea, unha balea, unha balea...
- Felipe: Unha galiña, unha balea, un oso polar, un oso polar, unha balea...
- Iago: Un galo, un iglú, unha pranta e unha lúa...
- Idania: Un galo, un trineo...
- Kevin: Un elefante, un esquimó, unha árbore, un esquimó, un esquimó...
- Lara: Unha galiña, moita neve...
- Leonardo: Un copo de neve...
- María: Un cactus, unha sinal, un ramo...
- Mauro: Unha galiña, un salmón, unha bandeira con follas, unha balea, unha bandeira de esquimó con neve e xeo...
- Nerea: Unha galiña...
- Nicolás: Unha galiña, unha balea, un oso polar, un oso polar, un oso polar...
- Pablo: Unha torre, unha balea, unha balea, unha balea, unha balea...
- Raúl: Un mono, unha balea, unha balea, unha balea...
- Samuel: Un can ártico, un oso polar, unha balea, un esquimó, unha morsa...
- Sara: Unha galiña, moita neve, unha balea e unha pranta...
- Sofía C.: Un zapato, un oso polar, un oso polar, un oso polar, un oso polar...
- Sofía S.: Unha galiña, un iglú, uns esquimós...
- Uxía: Unhas prantas, moita neve, unha bóla de neve...
- Vítor: Unha folla, un esquimó, un esquimó, un esquimó, un esquimó...
- Yanira: Unha árbore, un avión, unha balea, unha balea...

AURORAS BOREAIS

Os Revoltiñ@s xa estreamos os regalos que nos deixaron os Reis Magos fai unhas semanas!
Como sabedes, estamos aprendendo moito sobre os Esquimós e xa utilizamos a purpurina para decorar a portada do 'Libro dos Inuits' que estamos completando pouquiño a pouco durante estes días.
E as acuarelas empregámolas para decorar o noso LapBook. Pero non pintamos ao chou, senón que creamos unhas fermosas auroras boreais, xa que aprendemos que este fenómeno aparecía moi a miúdo no ceo do Ártico.