VISITAMOS A BIBLIOTECA

Unha actividade que nos gusta moito facer na aula de 3 anos é ir ata a biblioteca do colexio. Alí aproveitamos para ver libros libremente, respectando sempre as normas da mesma (falamos baixiño, colocamos ben os contos, collemos os libros de un en un...).

Para rematar a sesión estivemos moi atentos ao conto "Caracol e Caracola".

DÍA DAS BIBLIOTECAS

Os nenos e nenas de 3 anos fomos ata a biblioteca do cole para conmemorar o Día das Bibliotecas. 

Agrupámonos por parellas e cada membro da parella escollíu un conto para o seu compañeiro/compañeira, ao cal lle puxemos un lazo. 

Despois, lémolos. 

Encantounos a actividade!

 

NOTA INFORMATIVA: Préstamo de contos da biblioteca

Estimadas familias:

Esta semana comezamos co préstamo de contos da biblioteca. Todos os venres cada nena/o levará na súa carpeta un conto da biblioteca para ler na fin de semana. O conto deberá vir de volta na carpeta os luns.

Grazas pola vosa colaboración.

Bo Samaín e boa fin de semana!

Un saúdo,

O Equipo de Educación Infantil.

FORMACIÓN DE USUARIOS

Esta mañá, coma tódolos xoves, visitamos a biblioteca da nosa escola. Nesta ocasión non elixiríamos ningún libro, senón que alí xa nos esperaba Ana, a mestra de francés e directora do noso colexio.
Teríamos unha pequena sesión con ela para explicarnos algúns dos aspectos máis importantes da nosa biblioteca: Pepiña e as súas pegadas, os carteis do corredor, as normas do lugar, os útiles que alí podíamos atopar, o tipo de libros e a forma de pedilos...
Tras escoitala moi atentamente, ao final da sesión fixemos uns pequenos exercicios onde tiñamos que rodear ou riscar os obxectos que había na nosa biblioteca e as normas de uso da mesma.

PADRIÑO LECTOR

O venres, @s nen@s da ESO foron os nosos padriños e madriñas lector@s. Cada un líunos varios contos.

Moitas grazas ós nosos padriños e madriñas e ás mestras da ESO que fixeron posible esta actividade!!!

Pasámolo moi ben!!!

A BIBLIOTECA

A semana pasada fomos á biblioteca do centro. Aquí tedes unhas fotos para que nos vexades nela!!!

UN AGASALLO MOI ESPECIAL

Un Rei Mago moi especial deixounos unha sorpresa para poñer no blogue: Pepiña, a mascota da Biblioteca. Quedou moi bonita!!!

Moitas grazas.

@s Revoltiñ@s.

QUE BEN O PASAMOS NA BIBLIOTECA

Este venres fixemos moitas actividades na biblioteca do centro: primeiro a mestra Irene (que está facendo o PRACTICUM) contounos o conto "O Parruliño feo"; despois coloreamos unha ficha sobre el e por último estivemos lendo libros e escollemos un para levar para a casa. Foi unha sesión moi divertida!!!