REMATANDO O PROXECTO

O proxecto dos dinosauros chega ao seu fin. Estes días estivemos facendo actividades finais: construímos un puzzle en 3D; fixemos, por equipos,  un puzzle de 100 pezas; continuamos lendo libros sobre esta temática; valoramos o que aprendemos co proxecto e fixemos novamente de palentólog@s para atopar fósiles.

Pasámolo moi ben! 

 

VÍDEOS EXTINCIÓN

Hoxe vimos dous vídeos sobre a extinción dos dinosauros. Falamos sobre o que é a extinción; como puido producirse; que animais sobreviviron... 

Podedes visualizalos facendo clic nos seguintes enlaces.

  

EXTINCIÓN

EXTINCIÓN 1 

 

PALEONTÓLOG@S POR UN DÍA

Estes días, aproveitando que fixo bo tempo, estivemos xogando a ser paleontólog@s. 

En primeiro lugar vimos na aula que significaba esa palabra, que relación tiña cos dinosauros;  cantas e que letras a forman...

Despois chegou o  momento máis divertido, que foi ir ao areeiro e con pás e anciños intentamos buscar fósiles... e despois de moito buscar...  atopámolos! 

Podedes ver o ben que o pasamos na seguinte presentación!

Moitas grazas tamén aos nen@s de 2º de Educación Primaria, que nos axudaron nesta actividade.

 

 

DINOSAUROS

Deixamos o enlace a información, vídeos e xogos sobre dinosauros (está o enlace fixo tamén na columna da dereita do blog).
Pincha  na palabra  DINOSAUROS e divírtete! 

DINOSAUROS

EXPOSICIÓN SOBRE DINOSAUROS

Hoxe tivemos no cole unha actividade moi especial, relacionada co proxecto dos dinosauros.

Acudimos a unha exposición sobre estes animais e  aprendemos datos curiosos.

Tamén nos encantou ver un corto animado sobre eles. Como era en 3D parecía que saían da pantalla e que viñan onda nós! Que divertido!

Ata nos deixaron  manipular algúns fósiles! 

COMEZAMOS COS DINOSAUROS

Este curso, desde a biblioteca do centro, propúxose  traballar as diferentes épocas históricas. En Educación Infantil decantámonos  polos dinosauros. 

Un día, apareceron nas clases unhas caixas cunha carta de Pepiña, que nos invitaba a coñecer máis sobre estes animais. Tamén temos uns libros, cos que nos agasallou a mestra Rocío. Durante estes días estamos investigando sobre eles.

Irémosvos poñendo ao día sobre as nosas investigacións.

 

PROXECTO DINOSAUROS

Empezamos un proxecto relacionado cos dinosauros pois é un tema que lles gusta moito. Tras unha primeira asamblea na que preguntamos que sabemos, que queremos saber e onde imos buscar empezamos a traballar con diferentes actividades. Na primeira utilizamos patacas con formas de pegadas e deixámolas en pasta de modelar para máis tarde convertirnos en paleontólogos e identificalas. Tamén usamos estas pataca-pegadas para decorar un mural. Na seguinte actividade emprendemos moitas cousas de diferentes dinosauros, canto medían, as súas principais características, que comían... e cando sabíamos todo isto recortamos e pegamos en dous grupos diferentes os carnívoros e os herbívoros. Tamén fixemos un libro, tivemos que pintar dinosauros e escribir o que medían e o que pesaban. Co material que trouxeron os rapaces da casa: varios libros e moitos dinosauros aprendemos tamén moitas cousas. Por último elaboramos un mural con diversos materiais reconstruíndo o hábitat destes enormes animais xa extinguidos.