APRENDEMOS A POÑER O MANDILÓN

Na aula de Educación Infantil de 3 anos estamos aprendendo a poñer os mandilóns. Xa avanzamos moito...

GRAZAS

@s Revoltiñ@s e as mestras Irene e Mª Carmen queremos darlle as grazas ós mestres especialistas, que nos ensinaron tanto este curso; tamén a Fran, que ademais de lograr que nos guste a música axudounos a preparar os festivais; ás familias, pola vosa implicación; ás mamás que nos coidan no comedor, á mestra Irene, que estivo con nós no seu período de prácticas e ós amig@s e mestras do CRA Os Remuiños, cos que fixemos actividades moi divertidas.

Moitas grazas tamén ás familias polos preciosos agasallos que nos fixéchedes.

E moita sorte @s mestr@s que marchades este curso, en especial a Susana, Fran e Irene. Acordarémosvos moito de vós. E quen sabe, igual voltades a Cabana.

 

BO VERÁN!!!

 

 

 

GRADUACIÓN

Despois das actuacións chegou o momento da graduación d@s Revoltiñ@s da aula de 5 anos.

Foron subindo ó escenario co seu birrete e a mestra Irene entregoulles un diploma e unha orla.

Que maiores son!!!

 

 

 

 

FESTIVAL DE FIN DE CURSO

Este venres rematou o curso e participamos no festival. Houbo moitas e variadas  actuacións: cancións, bailes, obras de teatro, mimo e ata figuras acrobáticas!!!

 

@s nen@s da aula de 3 e 4 anos actuamos coa canción "Piratas".

 

 

@s nen@s da aula de 5 anos interpretamos a canción "Xa son maior".

 

 

 

E entre as dúas aulas e máis @s nen@s de 5º de Educación Primaria interpretamos a canción "Happy".

 

 

XORNADA DE CONVIVENCIA EN VALARÉS

Este venres @s Revoltiñ@s  fomos a Valarés. Mentras que @s nen@s de Educación Primaria camiñaban, nós xogamos na area cos caldeiros, pás, anciños, tractores, camións, moldes... Estiveron con nós @s mestr@s Irene, Fran, Susana e Xurxo, que nos coidaron moito (a mestra Mª Carmen estaba enferma e non puido vir).

A media mañá trouxéronnos auga e máis un tentempé. 

Despois seguimos xogando ata a hora de comer. Nese momento fomos para o pinar e alí tomamos a saborosa comida que nos prepararon as nosas familias. 

Ó rematar puidemos tomar un xeado e xogar outro anaquiño ata a hora de volver para a casa.
Foi un día diferente, pero mooooi divertido, como podedes ver nestas fotografías!!!