CONTO - QUEBRACABEZAS

Como xa sabedes, "O monstro de cores" conta a historia de Teo, a mascota da nosa aula. Na xuntanza que tivemos cos nen@s do CRA o pasado luns, creamos este libro que os Revoltiñ@s lle regalamos a eles e que nestes momentos xa viaxa polas súas casas. Aquí vos deixamos o resultado final!

DÍA DO LIBRO!

Esta mañá os Revoltiñ@s recibimos unha visita moi especial... Os nenos e nenas do CRA "Os Remuíños" viñan celebrar con nós o Día do Libro. Este ano, todo xiraría en torno ao conto "O monstro de cores", xa que como todos sabedes, Teo é a mascota das nosas aulas.

Tras presentarnos e distribuírnos por equipos, a mestra Paula pasou a ler a descrición do monstro que os Revoltiñ@s fixemos a semana pasada. Así, as nenas e nenos do CRA poderían imaxinar como era a nosa mascota! Entre todos, debuxamos aos nosos Teos!

Quedaron chulísimos tódolos debuxos, pero xa non facía falta imaxinar, porque Teo apareceu no Salón de Actos, e viña acompañado da súa historia, pero nun libro moi diferente que nos deixou a profe Érica e que nos leu a mestra Rocío.

Agora si, xa estabamos listos para comezar cos diferentes talleres, polos que fomos pasando tódolos equipos ao longo da xornada.

"Expresarte" era un taller no que a partir das cores do monstro, creamos un mural no que pintamos libremente con pinceis e esponxas.

Tamén refixemos a historia de "O monstro de cores" a partir dun quebracabezas onde cada nen@ coloreaba unha peza, pezas que logo se xuntarían para crear unha das páxinas deste conto.

E qué mellor maneira de conmemorar o Día do Libro que lendo algúns dos contos que atopamos no Baúl de Teo?

Tamén descubrimos que nalgúns lugares existe a tradición de regalar unha rosa por este día. E aquí estamos creando as nosas!

E como Teo era o protagonista deste día, tamén foi o protagonista dunha historia que pouquiño a pouco fomos creando entre todos nós. Dámosvos unha pista... Levamos a Teo de viaxe, adiviñades a onde?

E, por suposto, non podían faltar uns marcapáxinas personalizados con algunha que outra imaxe da nosa mascota!

Iso si, tamén paramos a repoñer forzas entre taller e taller! Que ricas estaban as galletas e os zumes que tomamos todos xuntos!

E xa para despedirnos desta xornada tan especial, moi atentos escoitamos a historia que nos lía a mestra Rocío e que nós mesmos creamos! Neste vídeo vós tamén a poderedes ler acompañada dunha música moi animada!

E, por suposto, tamén puidemos ver aqueles quebracabezas que transformamos en conto, e que a profe Mª Carmen lle entregou da nosa parte ás mestras do CRA para que os seus nen@s tamén puidesen ler a historia de Teo.

FOI UN GRAN DÍA E PASÁMOLO MOI BEN! MOITAS GRAZAS POLA VISITA! VOLVEDE CANDO QUEIRADES!

XUNTANZA CO CRA

Esta mañá os Revoltiñ@s pasámolo moi ben cos nosos compañeir@s do CRA "Os Remuíños" celebrando o Día da Paz!

Nada máis chegar, no Auditorio puidemos ver o vídeo no que interpretamos "Eu teño alguén...".

Logo, fixemos varios grupos e decoramos un corazón de papel debuxando aquilo que nós tiñamos no noso corazón. Un dos membros de cada equipo foi o encargado de explicarlle a todos o que os seus compañeir@s acababan de debuxar!

Seguidamente, botamos a correr xogando ao "Stop" todos xuntos!

E para repoñer forzas, degustamos unha rica merendola!

E xa para rematar este día, regalamos os nosos corazóns a un compañeir@!

FOI UN GRAN DÍA E PASÁMOLO MOI BEN!

UN DÍA DIFERENTE...

Este luns visitáronnos @s nos@s amig@s do CRA Os Remuiños. Celebramos tod@s xunt@s o Día do Libro.

Primeiro a mestra Susana contounos o conto "10 patiños de goma".

Despois dividímonos en seis equipos e pasamos por diferentes talleres nos que fixemos actividades variadas: decoramos patos con papeis; coloreamos un arco da vella coas mans; elaboramos un puzzle co barco que aparece no conto; fixemos barquiños con papel de xornal; coloreamos os personaxes do conto e inventamos finais diferentes para o conto.

Por suposto, non faltou a merenda. Que ben nos sentaron os zumes e as galletas, despois de tanto traballar!!!

Pasamos unha mañá estupenda!!!

Ata pronto, amig@s!!!

 

 

VISÍTANNOS OS NOSOS AMIGOS DO CRA OS REMUÍÑOS

O pasado 29 de abril, celebramos o Día do Libro xunto c@s nos@s amig@s do CRA Os Remuíños.

Contamos o conto de Nadarín e fixemos actividades sobre el: decoramos peixes con papeis de cores, construímos o gran peixe coas mans estampadas en pintura, elaboramos augamares, pintamos cadros sobre o mar e lemos.

Despois de traballar tanto repuxemos forzas cunha merenda. E para rematar a xornada, os máis maiores fixeron unha visita polo cole, mentras que os máis pequenos xogaban no parque.

Foi un día estupendo!!!

 

XUNTANZA CRA "OS REMUÍÑOS" - CPI "AS REVOLTAS"

O pasado luns @s Revoltiñ@s tivemos unha visita moi especial: @s nen@s e mestras do CRA "Os Remuíños". Xuntos fixemos varios talleres relacionados co Día do Libro. Despois de tanto traballar tomamos xuntiñ@s unha saborosa merenda para repoñer forzas. Para rematar a mañá disfrutamos coa actuación de Pedro Brandariz que nos contou historias moi divertidas.

Pasámolo moi ben. Esperamos vervos axiña, amiguiñ@s!!! E grazas pola vosa visita!!!