E ISTO, QUE É?

Esta mañá, ao chegar á clase, atopámonos cuns botes que non tiñan que estar enriba das nosas mesas. Pero non estaban baleiros, senón que estaban cheos de auga cun obxecto estraño no seu interior...

Durante toda a xornada estivemos pendentes dese obxecto e da súa evolución. Ademais, sacamos as nosas propias hipóteses sobre o que aí se podería esconder. Aquí as tendes! Quen acertará?

- Adrián: Primeiro pensei que era o ovo dun Triceratops, pero logo vin a auga e penso que é o ovo dun tiburón que tardará moito en abrirse.
- Amina: É o ovo dunha tartaruga mediana que tardará moito en abrirse. Está na auga porque alí viven as tartarugas.
- Ane: É un ovo de lagarto que se abrirá nun día. Está na auga para que beba, colla moita forza e rompa a cáscara do ovo.
- Antón: É o ovo dunha tartaruga que tardará pouco en abrirse. Está na auga porque alí viven as tartarugas.
- Dylan: É un ovo de lagarto que se abrirá o xoves. Está na auga porque a necesita para beber.
- Elaisa: É o ovo dun xurelo que tardará pouco en abrirse. Está na auga porque os xurelos viven no mar.
- Eliana: É un ovo de dragón que se abrirá de noite. Está na auga porque a precisa para medrar.
- Estela: É o ovo dunha tartaruga moi pequena, o ovo dun bebé tartaruga que tardará pouco en abrirse. Está na auga porque alí viven as tartarugas.
- Felipe: É un ovo de dinosauro que se abrirá en 5 semanas. Está na auga porque o dinosauro vaina beber.
- Iago: É o ovo dun peixe que tardará moito tempo en abrirse. Está na auga porque é un peixe traveso.
- Idania: É o ovo dunha tartaruga pequena que tardará pouco tempo en abrirse. Está na auga porque as tartarugas van para a auga.
- Kevin: É un ovo de dinosauro que se abrirá o mércores. Está na auga porque o dinosauro necesítaa para crecer.
- Lara: É o ovo dunha tartaruga que tardará pouco en abrirse. Está na auga porque alí viven as tartarugas.
- Leonardo: É o ovo dunha ra que tardará pouco en abrirse. Está na auga porque alí viven as ras.
- María: É o ovo dunha tartaruga mariña que tardará pouco en abrirse. Está na auga porque as tartarugas mariñas viven na auga.
- Mauro: É o ovo dun peixe a raias que se abrirá en 4 días. Está na auga porque a precisa para nadar.
- Nerea: É o ovo dunha tartaruga que tardará moito en abrirse. Está na auga porque alí viven as tartarugas.
- Nicolás: É un ovo de dinosauro que se abrirá en 4 días. Está na auga porque a necesita para crecer.
- Pablo: É un ovo dunha serpe que se abrirá en 5 minutos. Está na auga para que a serpe beba.
- Raúl: É un ovo de dragón que se abrirá en 8 días. Está na auga para que o dragón beba.
- Samuel: É un ovo de dinosauro que se abrirá cando pasen 20 días. Está na auga porque o dinosauro necesítaa para medrar.
- Sara: É o ovo dunha tartaruga mariña que tardará moito tempo en abrirse. Está na auga porque é mariña.
- Sofía C.: É un ovo dunha ra que se abrirá en 3 días. Está na auga porque a ra vai ter moita sede cando naza.
- Sofía S.: É o ovo dunha tartaruga que tardará pouco en abrirse. Está na auga porque alí viven as tartarugas.
- Uxía: É un ovo de paxaro que se abrirá en 4 días. Está na auga porque os paxaros beben auga.
- Vítor: É unha cova cun mosquito no seu interior. Está na auga para que o mosquito beba.
- Yanira: É un ovo de dinosauro que se abrirá o luns. Está na auga porque a necesita para crecer.

Mañá, nada máis chegar, comprobaremos qué está ocorrendo con ese ovo ou esa cova que nos chamou tanto a atención e que non puidemos deixar de observar durante todo o día. Seguiremos informando!