CONVIVENCIA DA SEMANA DO LIBRO

Este venres celebramos a Semana do Libro mediante unha convivencia co CRA Os Remuiños.

Baseámonos no libro "Canta a lúa coas estrelas".

Comezamos a xornada cunha representación sobre o mesmo, realizada por Andrea, unha das creadoras do libro. 

A partir del organizamos seis talleres polos que pasaban seis equipos de nenas e nenos realizando actividades relacionadas coas cancións do libro:

- "Canta a lúa coas estrelas" (no que  decoramos estrelas).

- "Sementando ilusións" (onde plantamos pipas de xirasol).

- "Encontrei un soño" (no que elaboramos marcapáxinas).

- "Apadriñamento lector" (para ler contos e facer debuxos sobre eles).

- "Desexos" (onde aprendemos a coreografía dunha das cancións).

- "Canta e croma" (para representar cancións).

Pasámolo moi ben!

DÍA DO LIBRO

CONMEMORAMOS O DÍA DO LIBRO

Este venres celebramos unha convivencia cos nenos e nenas do CRA Os Remuiños para conmemorar o día do libro. 

Como este curso estamos traballando a arte decidimos partir do libro: "Soy un artista" de Marta Altés. Puxémoslle voz á historia e repartímonos en equipos para realizar nove talleres nos que nos divertimos moito: representamos a canción "Eu son un artista", de Mamá Cabra; desenvolvemos a creatividade debuxando en "bolsas máxicas" e creando a nosa propia obra en lenzos moi especiais, xa que era papel transparente; mergullámonos en cadros co Croma; creamos marcapáxinas; elaboramos sal de cores que metemos en tarros; fixemos o noso propio autorretrato; plasmamos partes do noso corpo en murais e coloreamos debuxos. Entre taller e taller tamén tivemos un tempo para acudir ao recuncho de lectura. 

Por suposto, repuxemos forzas cunha saborosa merenda. 

Foi unha xornada moi divertida!

CELEBRAMOS O DÍA DO LIBRO

Este venres   conmemoramos o Día do Libro xunto cos nos@s amig@s do CRA Os Remuiños.

Partimos do libro "Por cuatro esquinitas de nada". Despois de escoitar este conto, que trata da diversidade, e de comentalo, dividímonos en equipos para levar a cabo unha serie de talleres:

- Compuxemos figuras a partir de formas xeométricas.

- Creamos historias a partir de personaxes con diversidade funcional.

- Lemos contos relacionados coa diversidade.

- Elaboramos un sol "diverso" coas siluetas das nosas mans.

- Fixemos de pintor@s decorando cadros.

- Creamos formas variadas para poñer de marco nos títulos dos cadros.

- Debuxamos como pensamos que é a casa ideal para os personaxes do conto.

- Divertímonos encestando tapas, con diferentes dificultades.

- Decoramos marcapáxinas.

 Tamén repuxemos forzas cunha saborosa merenda.

Foi unha mañá moi divertida!

CONTO - QUEBRACABEZAS

Como xa sabedes, "O monstro de cores" conta a historia de Teo, a mascota da nosa aula. Na xuntanza que tivemos cos nen@s do CRA o pasado luns, creamos este libro que os Revoltiñ@s lle regalamos a eles e que nestes momentos xa viaxa polas súas casas. Aquí vos deixamos o resultado final!

DÍA DO LIBRO!

Esta mañá os Revoltiñ@s recibimos unha visita moi especial... Os nenos e nenas do CRA "Os Remuíños" viñan celebrar con nós o Día do Libro. Este ano, todo xiraría en torno ao conto "O monstro de cores", xa que como todos sabedes, Teo é a mascota das nosas aulas.

Tras presentarnos e distribuírnos por equipos, a mestra Paula pasou a ler a descrición do monstro que os Revoltiñ@s fixemos a semana pasada. Así, as nenas e nenos do CRA poderían imaxinar como era a nosa mascota! Entre todos, debuxamos aos nosos Teos!

Quedaron chulísimos tódolos debuxos, pero xa non facía falta imaxinar, porque Teo apareceu no Salón de Actos, e viña acompañado da súa historia, pero nun libro moi diferente que nos deixou a profe Érica e que nos leu a mestra Rocío.

Agora si, xa estabamos listos para comezar cos diferentes talleres, polos que fomos pasando tódolos equipos ao longo da xornada.

"Expresarte" era un taller no que a partir das cores do monstro, creamos un mural no que pintamos libremente con pinceis e esponxas.

Tamén refixemos a historia de "O monstro de cores" a partir dun quebracabezas onde cada nen@ coloreaba unha peza, pezas que logo se xuntarían para crear unha das páxinas deste conto.

E qué mellor maneira de conmemorar o Día do Libro que lendo algúns dos contos que atopamos no Baúl de Teo?

Tamén descubrimos que nalgúns lugares existe a tradición de regalar unha rosa por este día. E aquí estamos creando as nosas!

E como Teo era o protagonista deste día, tamén foi o protagonista dunha historia que pouquiño a pouco fomos creando entre todos nós. Dámosvos unha pista... Levamos a Teo de viaxe, adiviñades a onde?

E, por suposto, non podían faltar uns marcapáxinas personalizados con algunha que outra imaxe da nosa mascota!

Iso si, tamén paramos a repoñer forzas entre taller e taller! Que ricas estaban as galletas e os zumes que tomamos todos xuntos!

E xa para despedirnos desta xornada tan especial, moi atentos escoitamos a historia que nos lía a mestra Rocío e que nós mesmos creamos! Neste vídeo vós tamén a poderedes ler acompañada dunha música moi animada!

E, por suposto, tamén puidemos ver aqueles quebracabezas que transformamos en conto, e que a profe Mª Carmen lle entregou da nosa parte ás mestras do CRA para que os seus nen@s tamén puidesen ler a historia de Teo.

FOI UN GRAN DÍA E PASÁMOLO MOI BEN! MOITAS GRAZAS POLA VISITA! VOLVEDE CANDO QUEIRADES!

O NOSO CONTO FAVORITO!

Para conmemorar o Día do Libro, desde o Equipo de Biblioteca propúxose que cada nen@ trouxese á aula o seu conto favorito. Fixemos un debuxo e explicamos por qué nos gustaba tanto. Logo, tiñamos que sacar unha fotografía nalgún lugar do colexio. Nós eliximos a biblioteca e non puidemos estar mellor acompañados. Mirádenos aquí con Pepiña!

CREAMOS UNHA INVITACIÓN!

O próximo luns conmemoraremos o "Día do Libro" xunto cos nenos e nenas do CRA Os Remuíños. Nós seremos os anfitrións, polo que tras pensar e debatir sobre o que podíamos facer para que todos eles soubesen desta celebración, María tivo unha idea xenial: CREAR UNHA INVITACIÓN!

E aquí estamos... Algúns nenos completaron as palabras que faltaban, outros repasáronas con rotulador e arrastraron cera unha vez rematada. E todos xuntos participamos pensando as palabras que non estaban na invitación e as letras que nos facían falta para escribilas!

E aquí o resultado final!

Pero unha vez feita... Xurdiunos outra complicación! Como lla facíamos chegar? Saíron moitas opcións: mandala por correo; chamar a unha furgoneta de servizo rápido; falar con algún familiar para que nola leve; ir nós en bus, tren, barco, moto, leopardo, dinosaurio...
Aínda que a solución era moito máis sinxela: Por que non lla entregamos mañá a Érica? Ela tamén é mestra no CRA!